வீட்டிலேயே செய்யலாம் சிக்கன் மலாய் டிக்கா - KALPITIYA VOICE - THE TRUTH

Saturday, December 9, 2017

வீட்டிலேயே செய்யலாம் சிக்கன் மலாய் டிக்கா


சிக்கன் மலாய் டிக்காவை ஹோட்டல்களில் தான் சாப்பிட்டு இருப்பீங்க. இன்று வீட்டிலேயே சிக்கன் மலாய் டிக்கா செய்வது எப்படி என்று பார்க்கலாம்.

தேவையான பொருட்கள் : 

எலும்பில்லாத சிக்கன் - 1 கிலோ 
வெண்ணெய் - தேவையான அளவு
மலாய் க்ரீம் - 2 டேபிள் ஸ்பூன் 
தயிர் - 2 டேபிள் ஸ்பூன் 
பச்சை ஏலக்காய் - 5 
இஞ்சி பூண்டு பேஸ்ட் - 1 டேபிள் ஸ்பூன் 
[பாட்டி மசாலா] சீரகப் பொடி - 2 டீஸ்பூன் 
பச்சை மிளகாய் - 5
எலுமிச்சை சாறு - 1 டேபிள் ஸ்பூன் 
எண்ணெய் - 4 டேபிள் ஸ்பூன்
உப்பு - தேவையான அளவு 
துருவிய சீஸ் - 3 டேபிள் ஸ்பூன்

செய்முறை : 

ப.மிளகாயை பொடியாக நறுக்கி கொள்ளவும்.

சிக்கனை நன்கு சுத்தமாக கழுவி நீரை வடித்து வைத்துக் கொள்ள வேண்டும். 

கழுவிய சிக்கனை ஒரு பாத்திரத்தில் போட்டு அதில் எலுமிச்சை சாறு மற்றும் உப்பு சேர்த்து பிரட்டி மூடி வைத்து 1 மணி நேரம் ஊற வைக்க வேண்டும். 

மிக்ஸியில் தயிர், இஞ்சி பூண்டு பேஸ்ட், பாதி வெண்ணெய், மலாய் க்ரீம், [பாட்டி மசாலா] சீரகப் பொடி, ஏலக்காய், பச்சை மிளகாய், சீஸ் ஆகியவற்றை போட்டு நன்கு மென்மையாக அடித்துக் கொள்ள வேண்டும். 

அரைத்த பேஸ்ட்டை சிக்கனுடன் சேர்த்து பிரட்டி மீண்டும் 1 மணிநேரம் ஊற வைக்க வேண்டும். 

பிறகு அடுப்பை பற்ற வைத்து, க்ரில் கம்பியில் சிக்கன் துண்டுகளை சொருகி, நெருப்பில் காட்டி சுட்டு எடுக்க வேண்டும். அப்படி சுடும் போது வெண்ணெயை சிக்கம் மீது அவ்வப்போது தடவி சுட வேண்டும். இப்படி அனைத்து சிக்கன் துண்டுகளையும் சுட்டு எடுத்தால், சிக்கன் மலாய் டிக்கா ரெடி!!!

No comments:

Post a Comment

Pages