குழந்தைகளுக்கு சத்தான உணவு கோதுமை பிரெட் முட்டை மசாலா டோஸ்ட் - KALPITIYA VOICE - THE TRUTH

Tuesday, June 16, 2020

குழந்தைகளுக்கு சத்தான உணவு கோதுமை பிரெட் முட்டை மசாலா டோஸ்ட்

காலையில் குழந்தைகளுக்கு சத்தான டிபன் கொடுக்க விரும்பினால் கோதுமை பிரெட் முட்டை மசாலா டோஸ்ட் செய்து கொடுக்கலாம்.இன்று இதன் செய்முறையை பார்க்கலாம். 

தேவையான பொருட்கள்

கோதுமை பிரெட் - 6
முட்டை - 3
வெங்காயம் - 1 பெரியது
மஞ்சள்தூள் - சிட்டிகை
மிளகாய்தூள் - 1/4 டீஸ்பூன்
ப.மிளகாய் -1
கொத்தமல்லி இலை - தேவைக்கு
உப்பு - தேவைக்கு
எண்ணெய் / நெய் - தேவைக்கு

கொத்தமல்லி சட்னி

கொத்தமல்லி - கால் கப்
புதினா - கால் கப்
தேங்காய் - கால் கப்
புளி - சிறு துண்டு ( விரும்பினால்)
ப.மிளகாய் - 2
உப்பு - தேவைக்கு
 
செய்முறை :

கொத்தமல்லி சட்னிக்கு தேவையனா பொருட்களை அனைத்தையும் ஒன்றாக மிக்ஸியில் போட்டு சிறுது தண்ணீர் தெளித்து திக்காக அரைத்து தனியாக வைத்து கொள்ளவும்.

கொத்தமல்லி, வெங்காயம், ப.மிளகாயை பொடியாக நறுக்கி கொள்ளவும்

ஒரு பாத்திரத்தில் முட்டை, பொடியாக நறுக்கிய வெங்காயம், ப.மிளகாய், கொத்தமல்லி இலை, தூள் வகைகள், உப்பு கலந்து நன்றாக கரண்டி வைத்து கலந்து வைக்கவும்.

கோதுமை பிரெட் துண்டுகளை முக்கோண வடிவத்தில் நறுக்கி வைக்கவும்.

கோதுமை பிரெட் இன் ஒரு பகுதியில் கொத்தமல்லி சட்னி தடவி வைக்கவும். மறு புறம் ப்ளேன் பிரெட் வைத்து செட் ஆக ரெடி செய்து வைக்கவும்.

தோசை தவாவில் சிறிது எண்ணெய்/ நெய் ஊற்றி சூடானதும் ரெடி செய்து வைத்த பிரெட்டை முட்டை கலவையில் முக்கி தவாவில் டோஸ்ட் செய்து எடுக்கவும்.
சுவையான கோதுமை பிரெட் முட்டை மசாலா டோஸ்ட் ரெடி..

No comments:

Post a Comment

Pages